فرانسيس جالتون
ولادته كانت علامة فارقة فى تاريخ البشرية ،ولكن استمرار وجوده كان هيسبب مذابح لا حصر لها. تعالوا أقولكم مين هو فرانسيس جالتون؟
فرانسيس جالتون كان نابغة من طفولته بدأ يقرأ وهو عنده 2 بس ،درس جزء من اللغة اليونانية و اللاتينية وهو عنده 5 ،بدأ يقرأ كتب للكبار حتى أنه قرأ كتب شكسبير فى أوقات فراغه وهو عنده 6 منطقي جدا أنه يكون شخص واسع المعرفة ومتعدد الثقافات ،دخل مدرسة الملك إدوارد فى بيرمينجهام ولكنه كأى طالب نابغة مكنتش المناهج عجباك وكان شايف أنها عقيمة وده خلاه ساب المدرسة وهو عنده 16 سنة ،طبعا أبوه كأى أب حلمه أن ابنه يدخل كلية الطب ويحقق حلمه وفعلا دخل الكلية فى جامعة الملك فى لندن ودرس كمان سنتين فى مستشفى بيرمينجهام فى نفس الوقت اللى كان بيدرس فيه الرياضيات فى جامعة كامبردج.
،بعد ماتخرج عملت إسهامات كبير فى مجالات كتير زى علم الأرصاد الجوية زى خرائط الطقس والأعاصير و علم الإحصاء زى نظرية الانحدار نحو الوسط وعلم النفس وعلم الأحياء وعلم الإجرام زى بصمات الأصابع ،قدم مجموعة كبيرة من الأوراق البحثية فى مجموعة واسعة من الموضوعات، كان أمين عام للجمعية البريطانية للعلوم من عام 1863 إلى عام1867، كان رئيس للقسم الجغرافي من 1867 إلى عام 1872 ورئيس لقسم الأنثروبيولوجيا وكمان كان له إسهامات فى علم الاجتماع و نشر أكتر من 340 ورقة بحثية وكتاب.هتقولوا دلوقتى ما الراجل متميز وعامل إنجازات محترمة جدا وزى الفل أهو أومال أية المشكلة فيه؟!
المشكلة فى أكتر تخصص اشتغل فيه وعمل فيه إنجازات وهو علم الوراثة جالتون كان شغوف بعلم الوراثة وتحديدا مجال تحسين النسل، جالتون كان مقتنع أن الإنسان مش بس بيورث من أهله صفاته الجسدية زى لون البشرة والشعر والعيون ولكن ممكن يورث صفات زى الذكاء وغيرها حتى أنه اقترح على الحكومة البريطانية أنها تبدأ تتخلص من الفقراء والأغبياء بفرض أن كده مش هيفضل غير الأذكياء والأغنياء بس وهم دول اللى هيسودوا و اللى لازم جيناتهم تنتشر وتستمر طبعا الحمدلله أن الحكومة البريطانية رفضت وإلا كانت هتبقى مدبحة صح ولكن مين عجبه الاقتراح خمن كده مين؟ السفاح الألماني أو النمساوي هتلر ،هتلر عجبه الاقتراح جدا وحتى بعت لجالتون يحيه وبيقولوا أنه حاول ينفذ اقتراح جالتون على الألمان بس مفيش دليل واضح حتى الآن وده مش من فراغ والد جالتون وعائلته كانوا بيصنعوا الأسلحة وبيبيعوها صدمتك صح؟! لسه في تانى ابن عمه داروين صاحب نظرية التطور الاستاذ كان بيقول أن أصل سيادتك قرد تتصور؟! إهانة يا عزيزى والله. بس زى ما بيقولوا لكل ظالم يومه لا عرف يجدد نسله ومات بمرض معدي اسمه "السل" مرض بينتقل عن طريق الرذاذ أو حتى الهواء أتوفى وعمره 43 سنة.
